Hai quen chega ó mundo cargando xa cunha mochila de dor.
E hai quen, como Flyper, ten a sorte de chegar ás mans correctas a tempo, antes de que a vida o golpee.
Flyper é un bebé traveso, deses que botan a correr detrás dunha folla de papel coma se fose un tesouro, que saltan sen medo a ningures, que converten cada recuncho en territorio de xogo.
É alegría pura, desbordante, contaxiosa.
Mais esa felicidade non naceu da nada.
Naceu porque alguén estivo alí.
Porque a protectora abriu as súas portas, porque unha casa de acollida lle ofreceu calor e seguridade, porque hai voluntarias que, día a día, poñen tempo e corazón onde outros miran cara outro lado.
Flyper teno claro: o voluntariado non só salva do abandono e da dor, tamén constrúe futuros luminosos.
Grazas a esas mans xenerosas, este gatiño pode medrar sabendo que a vida é xogo, confianza e tenrura.
Cada carreira tola de Flyper é un recordatorio de que axudar importa.
Podes coñecer máis de Flyper nesta ligazón: Ficha de Flyper